Agumbe

ಆಗುಂಬೆ: 

       ದಕ್ಷಿಣ ಭಾರತದ ಚಿರಾಪುಂಜಿ ಎಂದೇ ಹೆಸರಾದ ಆಗುಂಬೆಯ ಮಳೆಯನ್ನು ನೆನೆದರೆ ಮೈ ಜುಮ್ಮೆನ್ನುತ್ತದೆ. ಅಂತೆಯೇ ಅಲ್ಲಿನ ಸುಂದರ ಸೂರ್ಯಸ್ತ ಕೂಡ ಅನನ್ಯ ಅನುಭವ ನೀಡುವುದು. ಅದನ್ನು ನೋಡಿದಷ್ಟೂ ನೋಡಬೇಕೆನಿಸುವುದು. ನವೆಂಬರ್‍ನಿಂದ ಜನವರಿವರೆಗೆ ಸೂರ್ಯಸ್ತಮಾನ ಸವಿಯಲು ಸಕಾಲ. ಸಮುದ್ರ ಮಟ್ಟದಿಂದ 826 ಮೀಟರ್ ಎತ್ತರವಿದ್ದು ವಾರ್ಷಿಕ 650 ಮಿ. ಮೀ. ಮಳೆ ಬೀಳುತ್ತದೆ. ಆಗುಂಬೆಯ ಘಾಟಿ ರಸ್ತೆಯು ಪ್ರಯಾಣಿಕರಿಗೆ ಮೈ ಜುಮ್ಮೆನ್ನಿಸುವ ಅನುಭವವನ್ನು ನೀಡುತ್ತದೆ.


         ಆಗುಂಬೆಯ ಗೋಪಾಲಕೃಷ್ಣ ದೇವಾಲಯ, ಸನಿಹದ ಒನಕೆ ಅಬ್ಬಿಜಲಪಾತ, ಜೋಗಿಗುಂಡಿ, ಇವೆಲ್ಲ ಪ್ರಕೃತಿಯ ಅನುಪಮ ಸುಂದರ ತಾಣಗಳು. ಒಂದು ದಿನದ ಪ್ರವಾಸಕ್ಕೆ ಆಗುಂಬೆ ಹೇಳಿ ಮಾಡಿದ ಸ್ಥಳ. ಗದ್ದಲ ರಹಿತ ಪ್ರಕೃತಿಯ ಒಡನಾಟ ಚಿತ್ತಕ್ಕೆ ಮುದ ನೀಡುವುದರ ಜೊತೆಗೆ ನಾಳಿನ ಬದುಕಿನೊಂದಿಗೆ ಹೋರಾಡಲು ಹೊಸ ಚೈತನ್ಯವನ್ನು ನೀಡುತ್ತದೆ.


              ಸಹ್ಯಾದ್ರಿ ಗಿರಿ ಶಥಂಗಗಳಿಂದ ಹಚ್ಚಹಸುರಿನಿಂದ ನಿತ್ಯ ಹೆದ್ವರ್ಣ ಕಾನನದಿಂನ ಆವರಿಸಿರುವ ಈ ಸ್ಥಳವು ಬೆಂಗಳೂರು ಕೇಂದ್ರದಿಂದ 364 ಕಿ. ಮೀ. ಶಿವಮೊಗ್ಗ ಜಿಲ್ಲಾ ಕೇಂದ್ರದಿಂದ 90 ಕಿ. ಮೀ ಮತ್ತು ತೀರ್ಥಹಳ್ಳಿ ತಾಲ್ಲೂಕು ಕೇಂದ್ರದಿಂದ 30 ಕಿ. ಮೀ. ದೂರದಲ್ಲಿದೆ. ಶಿವಮೊಗ್ಗದಿಂದ ಉಡುಪಿಗೆ ಹೋಗುವ ಮಾರ್ಗದಲ್ಲಿ ಈ ಸ್ಥಳ ಸಿಗುತ್ತದೆ.