Malethirike Temple Virajpet

 ಕೊಡಗಿನ ವೀರಾಜಪೇಟೆಯ ಮಲೆತಿರಿಕೆ ದೇವಾಲಯ:

                      ವೀರಾಜಪೇಟೆ ಸನಿಹದ ಕರಡ ಎಂಬ ಊರಿನಲ್ಲಿರುವ ಮಲೆಬೆಟ್ ಹಸಿರು ಸಿರಿಗೆ ಹೆಸರಾದ ಪ್ರದೇಶ. ಕರಡ ಗ್ರಾಮದಿಂದ ಸುಮಾರು ಒಂದೂವರೆ ಗಂಟೆಗಳ ಕಾಲ ಚಾರಣ ಮಾಡಿದರೆ ಈ ಮಲೆಯ ಮೇಲಿರಬಹುದು.  ಬೆಟ್ಟದ ಮೇಲೆ ದೇವಾಲಯದ ಮುಂದೆಯೇ ತಂಪಗಿನ ನೀರಿನ ಕೊಳವಿದೆ. ದೇಗುಲದ ಮುಖುದ ತಾಣದ ಬಳಿಯೇ ನೂರಕ್ಕೂ ಅಧಿಕ ಸಂಖ್ಯೆಯ ಇಳಿಬಿಟ್ಟ ತೂಗು ಗಂಟೆಗಳು ಗೋಚರವಾಗುತ್ತವೆ. ಇವೆಲ್ಲವನ್ನು ಆ ನೀರಿನ ವಾತಾವರಣದಲ್ಲಿ ವೀಕ್ಷಿಸುತ್ತಿರುವಾಗ ಅದುವರೆಗೆ ಮಾಡಿದ ಚಾರಣದ ದಣಿವು ಮಾಯವಾಗುತ್ತದೆ. 

                      ಕರಡದ ಈಶ್ವರ ದೇಗುಲ ಎಂದು ಹೆಸರಿಲಾಗಿರುವ ಈ ದೇವಾಲಯ ಇಲ್ಲಿ ಸ್ಥಾಪಿತಗೊಂಡಿದ್ದರ ಬಗ್ಗೆ ಸಾಕಷ್ಟ ಪೌರಾಣೀಕ, ಐತಿಹಾಸಿಕ ಕಥೆ ಕೇಳಿಬರುತ್ತದೆ. ಇದಕ್ಕೆ ಸಾಕ್ಷಿಯೇನೋ ಎಂಬಂತೆ ದೇಗುಲದ ಪರಿಸರದ ಅಲ್ಲಲ್ಲಿ ಹಳೆ ಕಾಲದ ಹಲವಷ್ಟು ಕುರುಹುಗಳು ಕಾಣಸಿಗುತ್ತದೆ. ಅರ್ಜುನ ಪೂಜೆ ಸಲ್ಲಿಸಿದ್ದ ಎನ್ನಲಾಗಿರುವ ಶಿಲಾವಿಗ್ರಹ ಟಿಪ್ಪು ಸುಲ್ತಾನ ಯುದ್ಧದ ಸಮಯದಲ್ಲಿ ರಕ್ಷಣೆಗಾಗಿ ಬಳಸುತ್ತಿದ್ದ ಬಾಳುಕತ್ತಿಯ ಕವಚ ಟಿಪ್ಪುವಿನ ಸೈನಿಕರು ಯುದ್ಧದಲ್ಲಿ ಬಳಸಿದ್ದ ಸೀಸ ಗುಂಡುಗಳು ಇತಿಹಾಸದ ಘಟನೆಗಳಿಗೆ ಇಂದಿಗೂ ಮೂಕಾಸಾಕ್ಷಿಯೆಂಬಂತೆ ದೇವಾಲಯದ ಆವರಣದಲ್ಲಿ ಕಂಡುಬರುತ್ತವೆ. 

                        ಇತಿಹಾಸ ಕತೆಯೊoದರ ಪ್ರಕಾರ ಟಿಪ್ಪು ಸುಲ್ತಾನನ ಕಾಲದಲ್ಲಿ ಈ ಪರಿಸರದ ದೇವಾಲಯ ಪ್ರಶಾಂತ ತಾಣವಾಗಿತ್ತು. ಅದೊಂದು ದಿನ ಮಲೆತಿರಿಕೆ ಬೆಟ್ಕ್ಕೆ ಬಂದ ಟಿಪ್ಪು ಸುಲ್ತಾನ ಮತ್ತು ಅವನ ಸೈನಿಕರು ಬೆಟ್ವನ್ನು ಏರುವ ಮೊದಲು ಕಾನಸಿಕ್ಕಿದ ಚೆಟ್ಟೋಳಿಯಮ್ಮನ ಮನೆಯ ಎದುರಿಗೆ ಸಾಗುತ್ತಾರೆ. ಈ ಮನೆಯಿಂದ ಪ್ರತಿದಿನ ಬೆಟ್ದ ಮೇಲಿನ ದೇವಾಲಯಕ್ಕೆ ಹಸುವಿನ ಶುದ್ಧ ಹಾಲನ್ನುಕೊಂಡೊಯ್ಯುವುದು ರೂಢಿಯಲ್ಲಿತ್ತು. ಇದನ್ನು ತಪ್ಪಿಸಲೆಂಬಂತೆ ಟಿಪ್ಪುವಿನ ಸೈನಿಕರು ಚೆಟ್ಟೋಳಿಯಮ್ಮನ ಮನೆಗೆ ಬೆಂಕಿ ಹಚ್ಚುತ್ತಾರೆ. ಆದರೆ ಮನೆಗೆ ಹಾಕಿದ ಬೆಂಕಿ ಉರಿಯದೆ ನಂದಿ ಹೋದಾಗ ಕ್ರುದ್ಧರಾದ ಟಿಪ್ಪು ಮತ್ತು ಅವನ ಸೈನಿಕರು ಆ ಮನೆಯ ದೊಡ್ಡದಾದ ಬಾಗಿಲನ್ನು ಕತ್ತಿಯಿಂದ ಕಡಿಯುತ್ತಾರೆ. ಈಗಲೂ ಚೆಟ್ಟೋಳಿಯಮ್ಮನ ಮನೆಯ ಮುಂದಿನದ್ವಾರದಲ್ಲಿ ಖಡ್ಗದಿಂದ ಕಡಿದ ಗುರುತು ಹಾಗೆಯೇ ಕಂಡು ಬರುತ್ತದೆ. ಮಲೆತಿರಿಕೆ ದೇಗುಲಕ್ಕೆ ಹೋಗುವವರು ಈ ಮನೆಯನ್ನು ನೋಡಿಕೊಂಡು ಹೋಗುವುದು ರೂಢಿಯಲ್ಲಿದೆ. 

                        ಪ್ರತಿವರ್ಷದ ಮಾರ್ಚ್ 14 ರಂದು ಮಲೆತಿರಿಕೆ ಬೆಟ್ಟದಲ್ಲಿ ವಾರ್ಷಿಕ ಪೂಜೆ. ಈ ಪೂಜಾ ದಿನಕ್ಕೆ ಬಳಸಲ್ಪಡುವ ಪಾತ್ರೆ ಪಗಡಿಗಳನ್ನು ಸಂಗ್ರಹಿಸಲಾಗುವ ಉಗ್ರಾಣ ದೇಗುಲಕ್ಕೆ ಹೊಂದಿಕೊಂಡಂತೆಯೇ ಇದೆ. ಹಬ್ಬದ ದಿನದಂದು ಕರಡ, ಪಾರಂಗಾಲ ಗ್ರಾಮಗಳು ಸೇರಿಂದತೆ ನೆರೆಕರೆಯ ಸಹಸ್ರಾರು ಜನರು ಮಲೆತಿರಿಕೆ ಬೆಟ್ಟಕ್ಕೆ ಆಗಮಿಸಿ ಬೆಟ್ಟದ ಮೇಲಿನ ಶಿವನಿಗೆ ಭಕ್ತಿಯಿಂದ ಪೂಜೆ ಸಲ್ಲಿಸುತ್ತಾರೆ. 

                           ಇತರ ದೇವಾಲಯಗಳಂತೆ ಗುಡಿ ಗೋಪುರಗಳಿಲ್ಲದೆ, ತೆರೆದ ಆಲಯವಾಗಿರುವ ಈ ದೇವ ಸನ್ನಿಧಿಯ ವಿಗ್ರಹದ ಎದುರಿಗೇ ಎರಡು ಎತ್ತರದ ದೀಪಗಳನ್ನು ಇರಿಸಲಾಗಿದೆ. ದೇವಾಲಯಕ್ಕೆ ಪ್ರವೇಶಿಸುವ ಮುನ್ನ ಎದುರಿನ ಕರೆಯಲ್ಲಿ ಶುಚಿರ್ಬೂತಗೊಂಡು ಪ್ರವೇಶಿಸಬೇಕೆಂದು ನಿಯಮವಿದೆ. ಹರಕೆಯ ರೂಪದಲ್ಲಿ ಭಕ್ತ ಜನರು ಈ ದೇಗುಲಕ್ಕೆ ಶಿಲಾ ವಿಗ್ರಹ, ತೂಗುಗಂಟೆಗಳನ್ನು ನೀಡುತ್ತಿರುತ್ತಾರೆ. ವಾರ್ಷಿಕ ಹಬ್ಬದ ದಿನದಂದು ಕೊಡಗಿನ ಸಂಪ್ರದಾಯದಂತೆ ಕೊಡವರು ದುಡಿ, ವಾಲಗ ತಂದು ಜನಪದ ಹಾಡುಗಳನ್ನು ಹಾಡುತ್ತಾರೆ. ಆಯ್ಕೆ:- ಕೊಡಗಿನ ಧಾರ್ಮಿಕ ಕೇಂದ್ರಗಳು ಮತ್ತು ಗ್ರಾಮೀಣ ಉತ್ಸವಗಳು ಲೇಖಕರು:- ಸಿ. ಎಸ್ ಸುರೇಶ್


vrp1
vrp2
vrp3
vrp4
vrp5
vrp6
vrp7
vrp8
vrp9
vrp10
vrp11
vrp12
vrp13
vrp14
vrp15